Pwy yw SelectFor?

Mae Selectfor yn dwyn ynghyd pedwar o bobl sy’n arbenigwyr mewn rheoli coedwigoedd Gorchudd Parhaol. Mae ganddyn nhw amrediad eang o brofiad mewn gweddnewid fforestydd yr Ucheldir a’r Iseldir.
Huw Denman
Mae Huw yn rheolwr coedwigoedd sy’n gweithio o Orllewin Cymru. Mae ganddo brofiad uniongyrchol o weddnewid planhigfeydd ucheldirol ac mae wedi bod dramor i astudio egwyddorion Coedwigaeth Gorchudd Parhaol. Mae ganddo gefndir mewn cynaeafu a marchnata ac mewn ardystio coedwigoedd. Huw sy’n rhedeg Cynllun Ardystio Grw^p SelectFor.
Phil Morgan BSc For, FICFor
Dechreuodd Phil ar ei yrfa mewn coedwigaeth yn y trofannau cyn dychwelyd i Gymru i wneud gwaith arloesol o ran gweddnewid planhigfeydd yr ucheldir. Mae’n rheolwr annibynnol a chanddo amrediad eang o gleientiaid. Mae’n siarad Ffrangeg yn rhugl, ac mae ganddo lawer o gysylltiadau Ewropeaidd oddi mewn i fudiad Pro Silva.
David Pengelly BSc For (Hons), FICFor
Mae David yn cynnig gwasanaeth rheoli coedwigoedd yn Ne Orllewin Lloegr. Mae’n brofiadol o ran gweithredu egwyddorion Coedwigaeth Gorchudd Parhaol mewn amrywiaeth o goedwigoedd – o ystadau mawr i goedwigoedd sector preifat, coedwigoedd corfforaethol a rhai bach mewn perchnogaeth breifat. Mae ganddo arbenigedd penodol mewn marchnata coed.
Andy Poore MA (Cantab)(Econ), MSc (EnvFor)
Mae Andy yn rheolwr i nifer o ystadau preifat mawr yn Ne Lloegr. Mae ganddo brofiad arbennig mewn rheoli safleoedd sydd â gwerth uchel o ran cadwraeth natur a threftadaeth. Mae hefyd yn arbenigo mewn coedwriaeth a mesureg mewn cellïoedd Gorchudd Parhaol.





Hawlfraint © 2007 SelectFor Cyfyngedig. Cedwir pob hawl.
www.selectfor.com